Shefi i Grupit Parlamentar të Aleancës për Ardhmërinë e Kosovës, Besnik Tahiri ka thënë se viti 2024 është vit zgjedhor.
Kjo sipas tij për shkak se edhe për zgjedhjet e rregullta ato duhet të shpallen më së shumti gjashtë muaj, e më së paku katër muaj, para zgjedhjeve.
Tahiri ka shkruar në Facebook se kjo nënkupton që partitë politike do të punojnë për përpilimin e listave dhe zgjedhjeve.
“Problem nuk është përcaktimi i zgjedhjeve të parakohshme apo të rregullta. Problem është që kjo qeveri është duke i shkaktuar dëme të mëdha Kosovës dhe është duke e dëmtuar e rrafshin e brendshëm. Në veçanti, në varfërimin dhe në ekonominë e Kosovës, e cila është në rrafshin më të ulët në historinë e vet”, ka shkruar ai.
Sipas Tahirit, sa më shpejt që shkon kjo qeveri, aq më mirë do të jetë për Kosovën dhe për qytetarët e saj.
-
Tahiri: Kjo qeveri kujton se zhvillimi gjenerohet me ligje copy-paste
-
Tahiri për çështjen e presidentit: S’shoh proces serioz, pas 16 shtatorit Kosovës i duhet serioziteti
-
Tahiri: Pasi gati dy vjetësh krizë, Kosova ka Kuvend e Qeveri jashtëkushtetuese
-
Aleanca paralajmëron kallëzim penal ndaj Qeverisë
-
Tahiri: Objektivi i Kurtit është të ketë zgjedhje të reja më 27 dhjetor