Përfaqësuesi Special i Bashkimit Evropian në Kosovë, Tomas Szunyog, është pritur në takim të martën nga kryetari i Kuvendit të Kosovës, Glauk Konjufca.
Në një komunikatë për medie është bërë e ditur se Konjufca ka vlerësuar bashkëpunimin dypalësh dhe kontributin e Bashkimit Evropian për progresin e arritur në implementimin e reformave legjislative të cilat i kontribuojnë procesit integrues dhe perspektives euroatlantike të Kosovës.
“Duke e dënuar pushtimin e paprovokuar të Ukrainës, Konjufca u shpreh se Kosova qëndron përkrah BE-së, NATO-s, Shteteve të Bashkuara të Amerikës, Mbretërisë së Bashkuar dhe mbarë botës demokratike, përfshirë edhe vendosjen e sanksioneve kundër Rusisë. Ai theksoi se Kosova është partner i besueshëm i BE-së, derisa shtoi se Serbia u rreshtua në anën e Putinit dhe me të njëjtën retorikë luftënxitëse vazhdon ta kërcënojë Kosovën”, thuhet në njoftimin e lëshuar nga Kuvendi.
Ambasadori Szunyog nga ana e tij, ka thënë se në këtë takim ka dëgjuar angazhimin për reformën gjithëpërfshirëse zgjedhore.
Ai konfirmoi mbështetjen për punën e Kuvendit dhe agjendën evropiane të Kosovës.
Good meeting with the Speaker @KonjufcaGlauk. Discussed the priorities & busy agenda that the Assembly has for 2022. Pleased to hear the commitment on comprehensive electoral reform and agreed on the way ahead &timelines of this process. pic.twitter.com/G6Af6hGyW0
— Ambassador Tomáš Szunyog (@EUAmbKS) March 1, 2022
-
Szunyog në takime lamtumirëse me liderët, rikonfirmon përkushtimin e BE-së në mbështetje të Kosovës
-
Szunyog: E ardhmja e Kosovës është padyshim në BE, rruga - normalizimi me Serbinë
-
Szunyog përshëndet ratifikimin e marrëveshjeve ndërkombëtare
-
Szunyog: BE-ja do të vazhdojë ta mbështesë sektorin e drejtësisë në Kosovë
-
Szunyog konfirmon mbështetjen e BE-së për procesin integrues të Kosovës