Shefi i Zyrës së Bashkimit Evropian në Kosovës, Tomas Szunyog, ka thënë se është i befasuar me vendimin e Qeverisë së Kosovës për të reduktuar në mënyrë të dukshme pagat e prokurorëve dhe gjyqtarëve.
Szunyog ka thënë se financimi adekuat dhe pavarësia e gjyqësorit është gurthemel i sistemit të drejtësisë.
Qeveria e Kosovës në mbledhjen e të mërkurës ka vendosur që t’i kthejë pagat e gjyqtarëve e prokurorëve, sikur para rritjes që ishte bërë me vendimin e Qeverisë Haradinaj në vitin 2017.
“Jam i befasuar nga vendimi i Qeverisë së Kosovës për të reduktuar në mënyrë të dukshme pagat e gjyqtarëve e prokurorëve. Financimi adekuat dhe pavarësia e institucioneve gjyqësore janë gurthemel i sistemit të drejtësisë dhe kërkesa fundamentale të procesit të integrimit evropian”, ka shkruar Szunyog në Twitter.
I am surprised by the decision of the Kosovo Government to significantly reduce the salaries of judges & prosecutors.
— Ambassador Tomáš Szunyog (@EUAmbKS) November 24, 2022
Adequate funding and independence of judicial institutions are cornerstones of the rule of law system and fundamental requirements of the EU integration process.
