Ministri i Punëve të Brendshme Xhelal Sveçla ka pritur këtë të hënë në takim një delegacion nga Sindikata e Zjarrfikësve të Kosovës.
Sipas një njoftimi të MPB-së Sveçla u informua hollësisht lidhur me shqetësimet dhe sfidat me të cilat ballafaqohen zjarrfikësit gjatë kryerjes së detyrave të përditshme dhe përgjegjësive në shpëtimin e jetëve të qytetarëve në rrezik.
Më tutje në këtë njoftim thuhet se ai u zotua se zjarrfikësit do të kenë mbështetjen e plotë nga Ministria e Punëve të Brendshme në zgjidhjen e statusit të tyre në mënyrë që të përmbushin me sukses detyrat dhe misionin e tyre.
