Policia e Kosovës ka njoftuar se sot nuk ka bastisur banesat e deputetëve të Lëvizjes Vetëvendosje, Albin Kurti dhe Donika Kadaj-Bujupi.
Në një sqarim të publikuar, Policia ka njoftuar se vetëm ka respektuar urdhëresën e përsëritur të Gjykatës Themelore në Prishtinë të datës 13 tetor për sjelle me detyrim të dy deputetëve të VV-së në seancën e 22 nëntorit, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ndërlidhur me veprimet policore konfirmojmë se në asnjërin prej të dyja rasteve policia nuk ka rrethuar lokacione dhe nuk ka bastisur asnjë adresë banimi, andaj pretendimet e disa qarqeve informative për bastisje dhe rrethim të ndonjë vendbanimi janë të pavërteta dhe si të tilla mbesin në suazat e spekulimeve”, ka sqaruar Policia lidhur me raportimet për bastisje të banesave të deputetëve të VV-së.
“Konform detyrimit ligjor, autorizimeve të saja si dhe përgjegjësisë për ta realizuar urdhëresën sipas përmbajtjes së saj, policia ka dërguar njësinë patrulluese në adresat e dhëna nga Gjykata për të kontaktuar me personat në fjalë, por të njëjtit nuk janë gjetur në adresat e tyre, si dhe nuk ka qenë e mundur të kontaktohen përmes formave të tjera të kontaktit”, ka sqaruar Policia e Kosovës.
“Përkitazi me këtë, policia ka njoftuar Gjykatën Themelore për veprimet e saj dhe mos gjetjen e personave në adresat e tyre përpara fillimit të seancës”, thuhet në sqarimin e Policisë.