Ministrja e Jashtme e Spanjës, Arancha Gonzalez Laya, ka thënë se Spanja nuk ka ndryshuar për qëndrim sa i përket Kosovës. Ajo ka thënë se Spanja nuk e njeh Kosovën.
“Serbia mund të llogarisë në mbështetjen e plotë të Spanjës në respektim të integritetit territorial të shteteve”, ka thënë Gonzalez, duke shtuar se Qeveria e Spanjës mbetet prapa qëndrimit “të mosnjohjes së Kosovës”, raportojnë mediumet spanjolle.
Laya e ka thënë këtë gjatë takimit me ministrin e Jashtëm të Serbisë, Nikola Selakoviq.
Laya ka thënë se Spanja do të vazhdojë të mbështesë dialogun mes Kosovës e Serbisë, ndërsa ka thënë se konflikti “duhet të zgjidhet nëpërmjet dialogut mes Prishtinës e Beogradit”.
Selakoviq ka falënderuar Spanjën për gjestin dhe po ashtu edhe Rumaninë, Greqinë, Qipron e Sllovakinë, që janë shtetet e vetme të BE-së që nuk e njohin Kosovën.
Selakoviq ka thënë se qytetarët e Serbisë do ta mbajnë në mend përgjithmonë këtë gjë.
-
Spanja s’e ndryshon qëndrimin për Kosovën, kërkon zgjidhje përmes dialogut
-
Spanja larg njohjes së Kosovës përkundër interesimit për dialogun
-
Spanja rikonfirmon vendimin për mosnjohje të Kosovës, thotë se ka qasje konstruktive
-
Spanja nuk do të ndërrojë qëndrimin për Kosovën, me gjithë telashet që po i dalin
-
Spanja: Luajmë me Kosovën, por nuk e njohim