Qeveria e Republikës së Kosovës dhe Qeveria e Republikës së Maqedonisë së Veriut sot do të mbajnë mbledhjen e parë të përbashkët qeveritare, që do të udhëhiqet nga kryeministri Zoran Zaev dhe kryeministri i Kosovës, Albin Kurti.
Para nisjes së seancës së përbashkët do të ketë ceremoni të pritjes zyrtare, takim kokë më kokë mes kryeministrit Zaev dhe kryeministrit Kurti si dhe takime bilaterale mes ministrave të dy qeverive.
Siç njoftuan dje nga Qeveria, pritet nënshkrimi i marrëveshjeve nga sfera e infrastrukturës, energjetikës, ekonomisë, turizmit dhe sigurisë, inovacionit teknologjik si dhe marrëveshje për diasporën.
Fillimisht takohet kryeministri i Kosovës, Albin Kurti me atë të Maqedonisë së Veriut, Zoran Zaev. Takimi është planifikuar të zhvillohet në ora 11:00.
Në ora 11:30-12:30 mbahet mbledhja e përbashkët e dy Qeverive.
Edhe
Sot mbledhja e përbashkët qeveritare Kosovë - Maqedoni e Veriut
Në ora 12.30 fillon ceremonia e nënshkrimit të marrëveshjeve/memorandumeve në mes Qeverisë së Republikës së Kosovës dhe Qeverisë së Maqedonisë së Veriut
Pas mbledhjes, nga ora 13:30-14:00, Kryeministri i Republikës së Kosovës Albin Kurti dhe Kryeministri i Republikës së Maqedonisë së Veriut Zoran Zaev, do të mbajnë konferencë për media.
