Sllovenia do ta rrisë numrin e ushtarëve në KFOR, ka njoftuar ministri i Mbrojtjes slloven Marjan Sharec, gjatë takimit të ministrave të mbrojtjes së NATO-s, raporton “STA”.
Aktualisht 90 ushtarë sllovenë janë në misionin KFOR në Kosovë, ndërsa numri pritet të rritet për të paktën 100.
Kufiri maksimal i ushtarëve sllovenë që mund të jenë në KFOR është deri 370.
Ministri slloven Sharec, duke u përgjigjur pyetjeve nëse Sllovenia është e gatshme ta rrisë praninë në KFOR, ai ka thënë se Qeveria e tij ka synim ta forcojë praninë.
“Sigurisht që Ballkani Perëndimor është prioritet i Sllovenisë dhe për këtë arsye ne po e rrisim praninë atje”, ka thënë Sharec.
Pak ditë më parë praninë në KFOR e kanë rritur edhe Britania e Madhe e Rumania, pas sulmit terrorist më 24 shtator në Banjskë ku u vra rreshteri policor Afrim Bunjaku dhe u lënduan tre policë tjerë.
-
Kroacia do të rrisë numrin e ushtarëve në Kosovë në misionin e NATO-s
-
NATO-ja mirëpret gatishmërinë e Sllovenisë për shtimin e trupave në Kosovë
-
Komandanti i KFOR-it njofton Beogradin për reduktimin e trupave në Kosovë pas përmirësimit të gjendjes
-
Zvicra i thotë po rritjes së numrit të ushtarëve në KFOR
-
NATO-ja planifikon zvogëlim të pranisë në Kosovë, pas konstatimit për përmirësim të situatës së sigurisë