Këshilli Gjyqësor i Kosovës (KGJK) nën udhëheqjen e Kryesuesit, Albert Zogaj, mbajti të enjten mbledhje të jashtëzakonshme, me një pikë të rendit të ditës: “Diskutim për veprimet e KGjK-së pas publikimit në media të bisedave të regjistruara ku përfshihet një anëtar i KGjK-së”.
Me këtë rast, KGJK-ja themeloi komisionin ad hoc për shqyrtimin e përgjegjësisë disiplinore ndaj anëtarit të KGjK-së, në përputhje me Ligjin Nr. 06/L-055 për Këshillin Gjyqësor të Kosovës nenit 19 “Procedurat disiplinore për anëtarët e Këshillit”.
Skandali me përgjimet ka shpërthyer një javë më parë kur portali Shqip ka publikuar biseda që pretendohet se janë përgjime që kanë ndodhur vitin e kaluar mes disa krerëve të institucioneve të Kosovës dhe personave të ndryshëm, ku flitet për raste të ndryshme dhe ndikimin në to.
-
Reagon KGJK-ja pas skandalit të përgjimeve: Po përcjellim me vëmendjen situatën
-
Zogaj: Zgjedhja e anëtarëve të rinj në KGJK do të jetë transparente dhe pa asnjë lloj ndërhyrje
-
Kryesuesi i KGJK-së fton Prokurorinë të hetojë gjendjen me temperatura në Pallatin e Drejtësisë
-
Zogaj: Kërkohet reagim urgjent për çështjen e përkthimit në gjykata
-
Zogaj: Ka shumë mangësi në luftimin e korrupsionit, por të paktën s’kemi lëndë që po parashkruhen