Lumi Sitnica ka humbur atraksionin e tij nga ndotja. Mbeturinat e shumta që kanë mbuluar këtë lum kanë ndikuar që uji i tij të mos shfrytëzohet për pije e bujqësi, raporton KTV.
Peshkatarët, të cilët e frekuentojnë më së shumti këtë lumë, kanë ngritur disa herë shqetësim për gjendjen që është krijuar në këtë lumë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga Instituti Kombëtar i Shëndetit Publik thonë se rreth 17 % e popullsisë nuk kanë qasje në ujin e pijshëm nga Ujësjellësi dhe për pasojë përdorin puset.
Burbuqe Nushi-Latifi nga ky institut, në PULS të KTV-së, ka thënë se uji në lumin Sitnica është i papijshëm.
Latifi ka theksuar se ky ujë i papastër është ndër shkaktarët kryesorë të sëmundjeve ngjitëse.
Zyrtarë të Qeverisë së Kosovës kanë thënë se do të angazhohen bashkë me Kompanitë e Ujësjellësit që situata të ndryshojë.
Sipas tyre, që nga paslufta, janë investuar rreth 300 milionë euro në sektorin e ujërave. Afrim Lajçi Këshilltar në Këshillin Ndërministror për Ujëra, ka pranuar se gjatë kësaj periudhe ka pasur ngecje në sanksionimin e ndotësve të mjedisit, duke thënë se kjo do të ndryshojë.