Sindikata kundër formave aktuale të testimit të nxënësve

Sindikata e Arsimit, qytetarët dhe mësimdhënësit e Ferizajt kanë kërkuar nga Ministria e Arsimit, Shkencës e Teknologjisë t’i heqin nga përdorimi testin e arritshmërisë dhe të maturës për nxënësit me arsyetim se prej më shumë se 9 vjetësh ato nuk kanë treguar rezultate të kënaqshme, por kanë degraduar nxënësit.

Sipas Sindikatës së Arsimit, në shumicën e rasteve nxënësit e shembullorë po degradohen në këto teste, ndërkohë që të dobëtit po i kalojnë ato dhe pastaj po u bëjnë konkurrencë të tjerëve në shkollim të mëtejmë, shkruan sot Koha Ditore.

Gjithashtu në disa raste po manipulohet me teste të maturës, ndaj MASHT-i duhet ta gjejë një formë tjetër të testimit për ata të cilët duan t’i vazhdojnë shkollimet nëpër universitete të ndryshme.

(Tekstin e plotë lexojeni sot në Koha Ditore)