I dyshuari për sulm ndaj ushtarëve të KFOR-it dhe ndaj Policisë së Kosovës, Milun Milenkoviq-Llune, është sjellë në Gjykatën Themelore të Prishtinës.
Ai është arrestuar të martën në një aksion policor në veri të Mitrovicës.
Seanca për caktimin e paraburgimit të Milenkoviqit po mbahet në Themeloren e Prishtinës.
Ministri i Brendshëm i Kosovës, Xhelal Sveçla, ka thënë se Milenkoviq është një nga udhëheqësit e formacionit kriminal “Mbrojtja Civile” dhe prijës i bandave kriminale që ndër vite kanë terrorizuar qytetarët e Kosovës.
Të mërkurën janë mbajtur protesta në veri të Mitrovicës, ku raportohet se protestuesit serbë kanë provokuar Policinë e Kosovës.
