Në vazhdën e një sërë opsionesh të dhëna nga KEDS për minimizimin e shpenzimeve të energjisë elektrike përmes ngrohjes gjatë dimrit, ekspertët e energjetikës në KEDS kanë dhënë një sugjerim shtesë lidhur me këtë. Sipas tyre, nëse e zvogëloni temperaturën në termostatin tuaj për 40% të kapacitetit të tij të plotë, që në praktikë i bie ta vendosni atë nga numri pesë në numrin tre, atëherë ju do të arrini të kurseni 34% të faturës totale.
Këto sugjerime të ekspertëve të energjetikës në KEDS janë të mirëseardhura, sidomos në këtë kohë dimri, kur një numër i caktuar i konsumatorëve e përdor energjinë elektrike për ngrohje.
Ngrohja me energji elektrike, përveçqë e ngarkon sistemin elektroenergjetik tej mase, përbën edhe 70% të faturës totale mujore.
Rrjedhimisht, të gjithë ata konsumatorë që energjinë elektrike e kanë të vetmen alternativë për ngrohje, është jetike që në këtë kohë krize ta përdorin atë në mënyrë sa më racionale.
Vetëm kështu kemi një rrjet të qëndrueshëm. Të praktikojmë këto masa të thjeshta për të mirën tonë të gjithmbarshme.
-
Kursimi i energjisë elektrike është jetik këto ditë
-
Përmbajuni këtyre udhëzimeve që të kurseni deri në 15% nga fatura e energjisë elektrike vetëm nga bojleri
-
Si t’i përdorni radiatorët e ngrohjes që të kurseni deri në 25% të faturës së rrymës
-
Si t’i kursejmë deri në 30% të faturës vetëm nga ngrohja
-
Ngrohja me rrymë ua rrit faturën për 70 për qind