Shtyhet për një javë miratimi i Planit Zhvillimor të Arsimit

Anëtarët e Kuvendit të Komunës së Prizrenit në seancën e fundit të këtij organi nuk e kanë miratuar Planin Zhvillimor komunal të Arsimit për periudhën 2017-2021.

Ata kanë vlerësuar se propozim -plani ka gabime dhe mangësi, të cilat duhet të përmirësohen dhe plotësohen, shkruan sot Koha Ditore. Aprovimi i këtij dokumenti është shtyrë për seancën e ardhshme, që pritet të mbahet javën e ardhshme.

Drejtori i Arsimit, Zahadin Shemsidini, para këshilltarëve ka theksuar se Plani Zhvillimor i Arsimit për Komunën e Prizrenit 2017-2021 është hartuar me financimin e Bashkimit Evropian dhe se pas aprovimit të tij Banka Botërore parasheh që të investojë 300 mijë euro në arsimin e Prizrenit.

Sipas tij, ky plan është produkt i punës së përbashkët të Drejtorisë Komunale të Arsimit dhe Rrjetit Kosovar për Arsim dhe Punësim (KEEN). (Artikullin e plotë mund ta lexoni në numrin e sotëm të Kohës Ditore)