Shkup, 18 maj – Në Gjykatën Themelore Shkupi 1 sot duhej të fillonte gjykimi për nëntë të akuzuarit për ngjarjet e dhunshme të 27 prillit në Kuvendin e Republikës së Maqedonisë, mirëpo procesi gjyqësor është anuluar për shkak se në seancë nuk u paraqit një nga të akuzuarit.
Të akuzuarit ngarkohen për veprën penale “pjesëmarrje në turmë”. Padi penale u ngritën ndaj afro tridhjetë dhunuesve, në mesin e tyre dy persona morën padi penale për "tentim për vrasje" ndaj deputetit Zijadin Sela.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjëkohësisht, disa dhjetëra qytetarë u mblodhën para gjykatës, në organizim të shoqatës “Të Palëkundurit” për t’i mbështetur siç theksuan “vëllezërit që qëndruan në mbrojtje të nderit dhe dinjitetit të atdheut”.
Ndryshe, presidenti i Republikës së Maqedonisë Gjorge Ivanov dje në një intervistë televizive bëri thirrje që Kuvendi t’i amnistojë të akuzuarit për ndodhitë në Kuvend.
Rikujtojmë se mbrëmjen e 27 prillit, pas zgjedhjes së Talat Xhaferit për kryetar të Parlamentit, protestuesit e kryesuar nga nisma qytetare “Për Maqedoni të Përbashkët” që u mblodhën para ndërtesës së Kuvendit, me forcë hynë brenda.
Si rezultat i dhunës së protestuesve, u lënduan rreth 100 persona, përfshirë deputetë, gazetarë dhe policë.