Tre pacientë janë shtrirë në Mjekim Intensiv të Klinikës Infektive si pasojë e gjendjes së rëndë që iu ka shkaktuar koronavirusi.
Shërbimi Spitalor dhe Klinik Universitar i Kosovës ka njoftuar se edhe 38 pacientë të tjerë janë me oksigjeno-terapi.
Bazuar në të dhënat e publikuara të shtunën, numri i pacientëve që po trajtohen në mjekim intensiv është rritur. Sipas SHSKUK-së, dje ishte vetëm një pacient që po trajtohej intensivisht.
Gjithsej 72 pacientë janë të shtrirë nëpër klinikat dhe spitalet e Kosovës, ku 43 prej tyre janë të konfirmuar me COVD-19, ndërsa 29 të tjerë post-COVID.
Sipas shtrimit, numri më i madh i pacientëve ndodhet në Klinikën e Pulmologjisë, e cila ka 23 pacientë post-COVID, e që pasohet nga Klinika Infektive me 10 pacientë pozitivë.
