Ardita Sinani, këshilltare e kryeministrit të Kosovës Albin Kurti, njoftoi se me një delegacion do të zhvillojnë takime në Parlamentin Evropian, për të ngritur problematikën e shqiptarëve të Luginës së Preshevës.
Ajo shkroi në Facebook të dielën se pozita e vështirë e pakicës shqiptare në Serbi dhe diskriminimi do të jenë temat kryesore ta këtyre takimeve përgjatë tri ditëve.
“Kushtëzimi i rrugëtimit të Serbisë në integrimet evropiane do të duhej të kushtëzohej me realizimin dhe plotësimin e të drejtave të shqiptarëve në Serbi në përgjithësi, e në veçanti në komunat Preshevë, Medvegjë e Bujanoc. Zgjidhja më afatgjate dhe më e duhura do të ishte implementimi i reciprocitetit në të drejta të serbëve që jetojnë në Kosovë dhe shqiptarëve në Serbi”, tha Sinani, që kryeministrin Kurti e këshillon për çështjet e Luginës së Preshevës.
Sipas Sinanit, problematikat e shqiptarëve të Luginës së Preshevës janë shtruar paraprakisht në Kongresin e Senatin Amerikan dhe në Organizatën e Kombeve të Bashkuara
-
Sinani fton qytetarët e Luginës të votojnë, nuk u përgjigjet akuzave të Arifit
-
Këshilltarja e Kurtit fton Lajçakun t’i takojë shqiptarët e Luginës
-
Sinani në Bruksel me Bislimin, për herë të parë një përfaqësuese e Luginës përfshihet në dialog
-
Kurti emëron Sinanin këshilltare për Luginën, paralajmëron edhe hapjen e zyrës
-
Kërkohet që edhe BE-ja të merret me diskriminimin ndaj shqiptarëve të Luginës