Shqipëria vitin e kaluar ka përfituar nga turizmi mbi një miliard e gjysmë euro, që përbën nivelin më të lartë të të gjitha kohërave në sektorin e turizmit, u raportua nga Banka e Shqipërisë.
Sipas të dhënave që Banka publikoi në bilancin e pagesave, rezulton se krahasuar me vitin 2015 të ardhurat nga turizmi u rritën me 13 për qind duke i sjellë ekonomisë kombëtare 175 milionë euro më shumë.
Këto janë para, që shtetasit e huaj dhe emigrantët shqiptarë, që jetojnë jashtë kanë shpenzuar gjatë vizitave të tyre në Shqipëri për pushime, biznes, apo qëllime të tjera.
Turizmi ishte një nga sektorët që u godit më fort nga kriza financiare. Pas vitit 2009, të ardhurat udhëtimet e jorezidentëve në ekonominë shqiptare ranë për katër vite me radhë duke zbritur deri në 1.1 miliard euro në vitin 2013.
Por në tre vitet e fundit tendenca është përmbysur dhe të ardhurat nga turizmi janë rritur me ritme të shpejta.
Dalja e Eurozonës nga kriza, por edhe rritja së fundi e interesit për Shqipërinë në tregun global turistik, ka shtuar përfitimet financiare për ekonominë duke e shndërruar turizmin në sektor udhëheqës të rritjes ekonomike.
-
Të ardhurat nga turizmi në Shqipëri 1.5 miliardë euro në 2016-ën
-
Të ardhura rekord nga turizmi në Shqipëri, 1.47 miliard euro
-
Turizmi botëror kthehet në nivelin parapandemik, Shqipëria ndër vendet me rritjen më të madhe
-
Mbi 2 miliardë euro shpenzimet e turistëve në Shqipëri për 9 muaj
-
Turistët shpenzuan 1.4 miliardë euro sivjet në Shqipëri