Shportat e mbeturinave shndërrohen në dekor të Prishtinës

100 shporta të mbeturinave përgjatë rrugëve “Eqrem Qabej” dhe “Agim Ramadani” në Prishtinë, janë dekoruar nga organizata “The Way”.

Në bashkëpunim me Komunën e Prishtinës, kjo organizatë ka realizuar projektin “Jo në tokë por në shportë” për dizajnimin e shportave nëpër kryeqytet.

Ky projekt është organizuar me qëllim vetëdijesimin e qytetarëve për hedhjen e mbeturinave dhe mundësinë për artistët që të shpalosin talentin e tyre.

Projekti është zhvilluar për katër ditë, por është shtyrë edhe për një javë tjetër, pasi projekti është pëlqyer nga Komuna.

Gëzime Gegaj nga organizata “The Way”, ka thënë se artistët do të dekorojnë rreth 400 shporta të mbeturinave nëpër kryeqytet.

{gallery}