Rreth 170 mijë doza të vaksinave kundër sëmundjes gungore, do të shpërndahen për t’i mbrojtur gjedhet nga sëmundja, raporton KTV.
Në fillim të aksionit të vaksinimit, drejtuesit e Agjencisë së Ushqimit dhe Veterinës kanë kërkuar nga të gjithë bujqit që të lejojnë vaksinimin e gjedheve të tyre.
Në të kundërtën, nëse kjo sëmundje përhapet dhe prek kafshët e tyre, nuk do të kompensohen.
Në fermën e Rizah Llapashticës ka nisur zyrtarisht vaksinimi i krerëve të lopëve.
Megjithëkëtë, ai nuk është aspak i kënaqur me mbështetjen nga ana e shtetit.
Edhe
Sigurohen dozat për vaksinimin e të gjitha kafshëve të llojit të gjedhit
Ky fermer, i cili ka 113 krerë lopë, thotë se nga viti 2015, kur ka nisur të merret me këtë veprimtari, nuk ka arritur të fitojë asnjëherë donacion nga Ministria e Bujqësisë.
Ai thotë se punon pa pajisje dhe makineri përkatëse, e për të cilat ka shumë nevojë.
Megjithatë, zyrtarët e AUVK-së të mërkurën kanë kryer punën e tyre për çka kanë dalë në terren, që të vaksinojnë gjedhet kundër sëmundjes gungore.
Numri i vaksinave në dispozicion për vaksinimin e gjedheve është 170 mijë doza, të cilat fermerët do të mund t’i marrin në 67 zyra të veterinarisë.
Zyrtarë të kësaj Agjencie kërkuan që secili bujk të kryejë vaksinimin e kafshëve të tyre, në të kundërtën nuk do të kompensohen në rast se u preken kafshët nga kjo sëmundje.
Edhe
Mbi 300 mijë doza vaksinash kundër sëmundjes gungore
Kryeshefi i Agjencisë së Ushqimit dhe Veterinës ka folur edhe për moskompensimin e 234 fermerëve, të cilëve u kishin ngordhur gjedhet nga kjo sëmundje, për çka tha se tashmë mjetet janë ndarë dhe brenda muajit do të shpërndahen.
Sipas tij, krejt kjo vonesë ka ndodhur si pasojë e parregullsive të dokumentacionit të paraqitur.
