Në pritje të thirrjes për ushtri mund të jetë çdo i ri, nëse Qeveria e re mban premtimin elektoral për zbatimin e shërbimit të detyrueshëm ushtarak.
Pikërisht kjo është tema të cilën e trajton edicioni i veçantë i Kohës Ditore këtë të diel.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Shërbimi i (pa)mundur ushtarak” mban titullin shkrimi kryesor, që sjell vlerësimet e ekspertëve të sigurisë, të cilët e shohin si vështirë të realizueshëm këtë shërbim.
Në temën e javës, gjithashtu kuptoni se çfarë ndikimi ka morali ushtarak te të rinjtë. Aty mësoni se a ka kapacitet buxheti i vendit të përballojë këtë shërbim.
Pse sipas Qendrës Kosovare për Studime të Sigurisë një model i mirë i shërbimit ushtarak do ta fuqizonte lidhjen me shtetin, e mësoni në intervistë.
Në një park që gjendet diku në botë e që funksion kryesor e ka pajtimin e popujve, është folur edhe për Kosovën. Lokacionin dhe historinë interesante të parkut e kuptoni në reportazh.
Me kishën koreano-jugore që mbi 1 milion qytetarë po kërkojnë mbylljen e saj për shkak të koronavirusit, njoftoheni në artikullin nga bota.
Ndërsa në Monument vijnë sekretet e jashtëzakonshme që ka mbledhur orëndreqësi Imer Neziri.
Historia e lidhjes së italianit David Alogna me muzikën që ngjason me përrallat, shpalosen në rubrikën e Kulturës.
Një fshehtësi interesante e Antarktikut që u zbulua nga një notar, ju pret në hapësirën e ndarë për sportin.
Hapësirë të veçantë në këtë numër të Kohës Ditore gjejnë edhe enigmatika, filmi, muzika e teknologjia.