Zyrtarët amerikanë janë në bisedime për të dërguar afganët e mbetur në Kosovë në kombin e vogël të Amerikës së Jugut, Suriname, pasi ata nuk përmbushën kërkesat për pranim në Shtetet e Bashkuara, sipas Wall Stret Journal.
Ambasadori i Surinamit në SHBA konfirmoi se bisedimet me SHBA-në ishin në një fazë paraprake dhe vendi po shqyrtonte se çfarë vendimi do të marrë. "Ne po e shqyrtojmë atë", ka thënë ambasadori Marten Schalkwijk.
"Në përgjithësi, Surinami është një vend ku njerëzit mund të përshtaten shpejt", shtoi ai.
Departamenti i Shtetit nuk pranoi të komentojë mbi çështjen.
Afganët u evakuuan vitin e kaluar gjatë rënies së qeverisë së mbështetur nga SHBA-ja dhe marrjes së Afganistanit nga talibanët.
Shtetet e Bashkuara i dërguan afganët në kampin Bondsteel në Kosovë.
Edhe
Kampi Liya në Kosovë, ku mbahen të evakuuarit afganë, po cilësohet si “Guantanamo e vogël”
Grupi i afganëve në Kosovë i kanë thënë SHBA-së se ata kanë shqetësime rreth planit për t'i dërguar ata në Suriname për shkak të nivelit të krimit në vend dhe prodhimit të ulët ekonomik.
Departamenti i Shtetit nuk jep një arsye për mohim dhe shumë afganë thonë se nuk e dinë pse u nuk janë pranuar në SHBA.
Rreth dy mijë afganë u strehuan në Kosovë.
