Blerim Reka, shef i misionit në Konsullatën e Përgjithshme të Kosovës në New York, ka rikonfirmuar marrëdhëniet e shkëlqyera bilaterale me Maldivet, pavarësisht se presidenti i Serbisë, Aleksandër Vuçiq, e kishte përmendur këtë shtet si një prej atyre që e kanë çnjohur Kosovën.
Reka ka shkruar të enjten në Facebook se ka pasur një takim me ambasadoren e Maldiveve në SHBA, Thilmeez Hussain, me të cilën janë rikonfirmuar marrëdhëniet mes dy shteteve.
“Me ambasadoren Thilmeeza Hussain, Përfaqësuesen e Përhershme të Maldiveve në OKB dhe Ambasadore të Maldiveve në SHBA. Rikonfirmim i marrëdhënieve të shkëlqyera bilaterale. Asnjë ndryshim në marrëdhëniet diplomatike, të vendosura që në vitin 2009”, ka shkruar Reka.
Pos Maldives, Vuçiqi më 4 janar pati thënë se njohjen e Kosovës e kanë tërhequr edhe Somalia, Burkina Faso, Gaboni, Esëatini, Guinea, Barbuda, Saint-Lucia dhe Libia.
Të gjitha u mohuan nga Ministria e Punëve të Jashtme e Kosovës që ka thënë se s’ka pasur asnjë njoftim për tërheqje të njohjes.
-
Presidenca në Maldive përgënjeshtron Vuçiqin: S’e kemi tërhequr njohjen e Kosovës
-
Ambasada amerikane pëlqen postimin ku Vuçiqi thotë se 9 shtete e kanë tërhequr njohjen e Kosovës
-
Vuçiq vazhdon ta vuajë që Mali i Zi e ka pranuar pavarësinë e Kosovës
-
Osmani takon kryeministrin e shtetit për të cilin Vuçiqi thoshte se e ka çnjohur Kosovën
-
Vuçiqi paralajmëron “luftë” kundër njohjeve të Kosovës