Profili në Twitter i Ambasadës së Shteteve të Bashkuara të Amerikës në Prishtinë ka pëlqyer një postim në të cilin presidenti i Serbisë, Aleksandar Vuçiq, ka thënë se nëntë shtete e kanë tërhequr njohjen e Kosovës. Një ditë më pas, Ambasada e ka hequr pëlqimin.
“Vuçiq rendit nëntë shtetet që tërhoqën njohjen e Kosovës së vetëshpallur”, është titulli i lajmit të shpërndarë nga “Vaseljenska TV” të cilin e ka pëlqyer Ambasada amerikane në Prishtinë.
Lajmi është i publikuar në orët e mbrëmjes të së mërkurës.
Reagim për këtë pati deputeti i Lëvizjes Vetëvendosje, Armend Muja, i cili në hapësirën e komenteve ia ka kujtuar Ambasadës se çfarë thotë postimi të cilin ata e kanë pëlqyer.
Pas reagimeve, Ambasada amerikane mëngjesin e së enjtes e ka hequr pëlqimin në postim.
Vuçiq në një konferencë për media ka thënë se nëntë shtete - Somalia, Burkina Faso, Gaboni, Eswatini, Libia, Guinea, Barbuda, Saint Lucia, Maldivet – e kanë tërhequr njohjen e Kosovës, duke shtuar se po presin edhe të dhjetin.
-
Vuçiq: Një tjetër shtet do ta tërheqë njohjen e Kosovës
-
MPJD: S’ka asnjë njoftim për çnjohje
-
Vuçiq: Nëntë shtete e kanë tërhequr njohjen e Kosovës, po presim të dhjetin
-
Vuçiqi nga New Yorku njofton se një shtet tjetër ka tërhequr njohjen e Kosovës
-
Shtetet që Serbia pretendon se kanë tërhequr njohjet e pavarësisë së Kosovës