Ministri i Drejtësisë, Selim Selimi, ka deklaruar se Agjencioni Kosovar për Inteligjencë është duke bërë verifikimin e dokumenteve që kanë të bëjnë me buxhetin e ndarë që do shfrytëzohet për të akuzuarit e Gjykatës Speciale.
Ai në Interaktiv të KTV-së ka deklaruar se ky verifikim duhet bërë për arsye se dokumentet janë të klasifikuara në nivel sekret dhe si të tilla, duhet kaluar në procedura verifikimi.
“Për shkak se dokumentet me të cilat punojnë ky staf janë të klasifikuara të nivelit sekret andaj edhe verifikimi duhet të bëhet nga Agjencia Kosovare e Inteligjencës që e ka një Departament që merret me verifikimin për t'i dhënë pastaj certifikatat për qasje në dokumente”, ka deklaruar Selimi.
Ai ka shtuar se puna me këto dokumente do të bëhet pasi të merret aprovimi nga AKI-ja.
“Me përpilimin e udhëzimeve administrative dhe nënshkrimin nga ana ime, është paraparë që të bëhet një verifikim i tillë. Unë mendoj që ky verifikim është pozitiv pasi që e kemi institucionin relevant që e bënë këtë gjë dhe i jep një legjitimitet të shtuar edhe legalitet çdo personi i cili punon me dokumente sekrete”, ka potencuar tutje ai.
-
Selimi: Çdokush që tenton të përfitojë jashtëligjshëm do të jetë cak i hetimit
-
Faturat për mbrojtjen e të akuzuarve nga Specialja mbahen të fshehta
-
Të akuzuarit nga Specialja kërkojnë mbështetje financiare nga shteti
-
Selimi: MD e angazhuar të finalizojë çdo proces për sistemin e drejtësisë
-
Selimi: MD-ja e ka gati Projektligjin e ndryshuar për Agjencinë Kundër Korrupsion