Përfaqësuesi i Shoqatës sindikale të shërbyesve civilë të nivelit qendror, Ali Sefaj, ka thënë se edhe drafti i ri i Ligjit të Pagave nuk i plotëson kërkesat.
Ai thotë se ka mundësi të korrigjohet e veçanërisht duhet të përcaktohet vlera e koeficientit.
“Ky draftligj, nuk mund të ikë në këtë format. Ligji për pagat, agjencitë ekzektuive nuk i trajton në bazë të barabartë me nivelin ministror. E kam parë draftin. Nuk i adreson kërkesat. Është ligj i pabarazisë. Nuk e përcakton vlerën e koeficioentit. Është e papranueshme që vlera e koeficientit të përcaktohet me Ligjin e buxhetit. Unë mund të kem besim në qeverisjen e tanishme, kryeministrin, pornesër dikush tjetër mund të vijë e të luajë me ne. Duhet të kemi vlerën e koeficientit, cili është ai, si të adresohet më mirë, të përfshihen kërkesat, të jetë racional brenda kategorizimit”, ka thënë Sefaj në Interaktiv të KTV-së.
Sa i përket asaj nëse kërkesat e Qeverisë do të mund të përballohen nga buxheti i Kosovës, Sefaj ka thënë se kanë bërë analizat dhe nuk rrezikohet buxheti.
“Ne kemi bërë analizat, kemi parë se cili mund të jetë implikimi në kuletën e shtetit. Sikur të vinte ofertë të thoshte do të merrnit kaq, por rrezikohet buxheti i Kosovës dhe rrezikohet të rritet borxhi publik, atëherë do të refuzonim. Ne kemi bërë analizë të vogël. E kemi krahasuar me vitet paraprake. Në vitin 2014 e 2015, kur ishin rritjet e pagave. Përqindja e pagave në buxhetin e Kosovës në vitin 2014 ishte 33.04 për qind, në vitin 2015 ishte 33.57 për qind. Në vitin 2019 ishte 28.92 për qind, në vitin 2020, ishte 29.57 për qind, e në vitin 2022 është 24.24 për qind. Ka rënie të dukshme, është rritur buxheti i Kosovës, të hyrat janë rritur si pçasojë e inflacionit. Nëse i ndan 30 për qind për buxhet për paga atëherë do të duhej shtuar 153 milionë e nëse shkon 33 për qind atëherë 235 milionë”, ka thënë Sefaj në Interaktiv të KTV-së. “Po kërkojmë dialog të gjejmë mënyra se si të menaxhohet situata”.
Edhe
Komisioni për Buxhet miraton në parim projektligjin për ndarjet buxhetore
Sefaj ka thënë se janë rritur dukshëm shpenzimet dhe shumë zyrtarë publikë e kanë të vështirë të kalojnë edhe muajin.
