Shefin i Zyrës së Bashkimit Evropian në Kosovë, ambasadori Dirk Schuebel, ka thënë se Raporti i Progresit i Komisionit Evropian për Kosovën është për periudhat 1 shtator 2025 dhe 1 shtator 2026, në një periudhë kur kishte kryesisht ngërç institucional dhe kishte tri palë zgjedhje në 16 muaj.
Ai ka thënë se është logjike që ritmi i reformave ishte i ngadalshëm dhe u reflektua. Por, Schuebel ka thënë se Kosova tash ka institucionale plotësisht funksionale për të ecur para me reformat.
Schuebel ka thënë se në raport shihet se edhe në vitet e vështira, progresi është i mundur. Ai ka përmendur si gjëra pozitive organizimin e zgjedhjeve të lira, paqësore dhe gjithëpërfshirëse. Po ashtu avancimin e nivelit të përgatitjes në luftë kundër krimit të organizuar. Po ashtu përmendi reformat në administratë publike, liri dhe siguri e lirinë e lëvizjes së kapitalit.
Ambasadori i BE-së ka thënë se raporti tregon se në gjyqësor dhe të drejtat themelore në është bërë progres domethënës. Ai ka thënë se duhet të bëhen reforma në drejtësi dhe se po punohet ngushtë me Ministrinë e Drejtësisë për t’u bërë kjo.
Schuebel ka përmendur edhe çështjen e Dhomave të Specializuara.
Edhe
Shefi i ri i Zyrës së BE-së: Formoni sa më shpejt institucionet që t’u ndihmojmë
“Mandati i Dhomave të Specializuara, që është aktualisht në fuqi, duhet respektuar, në linjë me obligimte ndërkombëtare dhe respektimin e plotë të pavarësisë së gjyqësorit dhe sundimit të ligjit”, tha Schuebel.
Ai në konferencë për media ka thënë se edhe liria e shprehjes duhet përmirësuar, ndërsa tha se duhet përditësuar korniza legjislative, përfshirë edhe ligjet për Komisionin e Pavarur të Mediave dhe atë për RTK-në.
Ka thënë se duhet luftim kredibil kundër korrupsionit dhe adoptim të një strategjike anti-korrupsion në linjë me standardet evropiane.
Po ashtu tha se Kosova duhet më tepër të linjëzohet me rregullat e BE-së, sa i përket mjedisit, ndryshimeve klimatike, agrikulturës dhe sigurisë së ushqimit.
“Këto nuk janë vetëm kërkesa të BE-së, por themele të një shoqërie prosperuese”, tha Schuebel.
Edhe
Kurti: Pozita e Kosovës në procesin e anëtarësimit në BE nuk e pasqyron progresin e bërë
Schuebel ka përmendur si gjë pozitive rreshtimin e plotë të Kosovës me politikën e jashtme të BE-së.
“Kjo tregon përkushtimin tuaj për vlerat evropiane”, tha ai.
Ndërkohë për dialogun Kosovë – Serbi, ai ka thënë se zbatimi i të gjitha obligimeve që derivojnë nga dialogu është pjesë integrale e rrugës evropiane të Kosovës.
“Kemi dinamikë të re rajonale, ta shfrytëzojë Kosova këtë”, tha ai.
Schuebel ka thënë se “BE-ja është në anën e Kosovës dhe përkrah angazhimin e saj për të punuar drejt synimit të përbashkët”.
Edhe
Kos: BE-ja po dialogon me Qeverinë për ndryshimet në Ligjin për Specialen
“Një Kosovë stabile, multietnike e prosperuese brenda BE-së”, tha ai.
Schuebel ka thënë se BE-ja e trajton Kosovën si të gjitha shtetet e tjera të Ballkanit Perëndimor. Ndërsa ka shprehur optimizëm se Kosova mund të ecë para për t’iu afruar synimit për t’u bërë shtet kandidat.
