Sanduloviqi publikon fotografinë e fëmijëve të Jasharëve: A ishin terroristë këta shqiptarë?

Politikani opozitar në Serbi, Nikola Sanduloviq, ka publikuar fotografinë e fëmijëve të familjes Jashari, të cilët u vranë më 5,6 dhe 7 mars të 1998-s.

Krah fotografisë së publikuar në llogarinë e tij në “X”, Sanduloviqi ka pyetur nëse këta fëmijë shqiptarë që u vranë me urdhër të kriminelit të luftës, Sllobodan Millosheviq, ishin terroristë.

“A janë terroristë këta fëmijë shqiptarë? Shikojeni mirë këtë foto, sepse këta janë fëmijët e vrarë të familjes Jashari. Ata u vranë me urdhër të kriminelit të luftës Sllobodan Millosheviq. Në mesin e këtyre fëmijëve ishte edhe vajza shtatëvjeçare Blerina Jashari, e cila u vra nga një plumb në pjesën e pasme të kokës”, ka shkruar ai.

Më tej ai ka përmendur rastin kur ka vendosur lule te varri i Blerina Jasharit, duke kërkuar falje të emër të serbëve, për çka më pas është rrahur nga policia sekrete serbe.

“Kryetari i Partisë Republikane në Serbi, Nikola Sanduloviq, vendosi lule në varrin e saj, kërkoi falje në emër të serbëve që nuk e bënë këtë krim dhe kërkoi falje në emër të paqes dhe të ardhmes së popullit serb dhe shqiptar në Kosova. Kjo është arsyeja pse ai u rrëmbye, u torturua, u poshtërua dhe u rrah për vdekje nga policia sekrete serbe BIA me urdhër të spiunit të dekoruar rus Aleksandar Vulin dhe presidentit serb Aleksandar Vuçiq. Kur Nikola Sanduloviq mbeti i gjallë pas 9 orësh torturash, departamenti i antiterrorizmit hyri në prokurori dhe gjykatën nga Nishi dhe e akuzoi atë për nxitje të urrejtjes fetare dhe kombëtare, me vendosjen e luleve në varrin e 7-vjeçares së vrarë”, thuhet më tej në postim.

Are these Albanian children terrorists?
Take a good look at this photo, because these are the murdered children of the Jashari family. They were killed on the orders of the war criminal Slobodan Milosević. Among these children was the seven-year-old girl Blerina Jashari, who was… pic.twitter.com/riN0qCRElD

— Nikola Sandulovic (@Sandulovic_N) March 7, 2024