Komunat kosovare ndahen në dy grupe: ato që shkelin ligjet e Republikës së Kosovës, dhe të tjerat që refuzojnë zbatimin e ligjeve. Grupi i fundit përbëhet nga komunat e veriut të Kosovës, shkruan sot “Koha Ditore”.
Bekim Salihu, hulumtues i lartë në Institutin për Studimet të Avancuara- GAP, në një intervistë për “Kohën Ditore”, ka pohuar se shkeljet më të shumta nëpër komuna ndodhin me shpenzimin e parasë publike. Sipas tij, brenda një viti buxhetor, Zyra e Auditorit të Përgjithshëm në institucione të nivelit lokal e atij qendror evidenton deri në 120 milionë euro të keqmenaxhuara.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSalihu mendon se ka ndeshje ndërmjet kompetencave të nivelit lokal e atij qendror, teksa hulumtimet e GAP-it nxjerrin në pah se në komuna janë të pakta rastet kur një ligj zbatohet 100%.
Sipas tij, ka komuna që shpenzojnë për një vit 100 mijë euro në dreka e darka, por s`kanë arritur të ndërtojnë çerdhe për fëmijë. Një veprim të tillë, ai e cilëson në kundërshtim me parimet e qeverisjes së mirë.
KD: Nga puna juaj nëpër komuna në cilat fusha ligji sfidohet më shumë?
Salihu: Praktikat flasin se zyrtarët e lartë, përgjithësisht, nuk u frikësohen organeve të drejtësisë. Kjo për shumë arsye, por kryesorja konsideroj që është sjellja e vetë organeve të drejtësisë kundruall shkelëseve të ligjit... (intervistën e plotë mund ta lexoni sot në “E Diela me Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.