Qendra Kombëtare për Menaxhim Kufitar ka njoftuar se rruga në pikëkalimin kufitar me Malin e Zi mbetet e mbyllur për qarkullimin e kamionëve për shkak të gjendjes së rënduar të segmentit rrugor në territorin e shtetit fqinj.
Sipas njoftimit zyrtar, qarkullimi për automjetet e udhëtarëve është i lejuar, por zhvillohet vetëm me pajisje dimërore.
Autoritetet bëjnë të ditur se ekipet për mirëmbajtjen e rrugës janë në terren dhe po punojnë për përmirësimin e kushteve, ndërsa pritet që pas stabilizimit të situatës rruga të hapet edhe për kamionë.
“Pjesa e rrugës që mirëmbahet nga ana jonë është e kalueshme dhe pa probleme”, thuhet nw njoftim.
Hapet rruga drejt Malit të Zi për të gjitha automjetet
Foto ilustrim
Qendra Kombëtare për Menaxhim Kufitar ka njoftuar se rruga në pikëkalimin kufitar me Malin e Zi është hapur për kalim të të gjitha llojet e automjeteve.
“Ju njoftojmë se bazuar në komunikimin me zyrtarët kufitar të Malit të Zi, kemi marrë informacion se rruga është pastruar dhe është e kalueshme për të gjitha llojet e automjeteve”, thuhet në njoftim.
Gjatë paradites QKMK-ja ka njoftuar se kjo rrugë ishte e mbyllur për qarkullimin e kamionëve për shkak të gjendjes së rënduar të segmentit rrugor në territorin e shtetit fqinj.
Sipas njoftimit zyrtar, qarkullimi për automjetet e udhëtarëve ishte i lejuar, por zhvillohej vetëm me pajisje dimërore.