Pas rritjes së rasteve me COVID-19 javëve të fundit në Kosovë, është mbledhur Komiteti i Shërbimit Spitalor Klinik Universitar të Kosovës për menaxhimin e pandemisë. Sipas njoftimit nga SHSKUK-ja, në takim është analizuar situata e fundit dhe është kërkuar rimobilizim për përballimin e valës eventuale “që mund të shoqërohet me rritje të mëtejme të spitalizimeve”.
Njoftimi thekson se është diskutuar për kapacitetet infrastrukturore, pajisjet mjekësore, furnizimet me barna dhe material mbrojtës për personelin shëndetësor.
Është konstatuar po ashtu mungesa në disa fusha specialistike, si anesteziologë, infektologë, pulmologë dhe nevoja për angazhim urgjent të stafit shtesë infermieror.
Pas takimit me drejtorët e klinikave, drejtori i SHSKUK-së, Valbon Krasniqi, është paralajmëruar se do të takohet edhe me drejtorë të spitaleve të përgjithshme.
-
Spitalet e QKUK-ja përballen me mungesë të stafit shëndetësor
-
SHSKUK-ja kërkon nga MSH-ja të shtojë numrin e infermierëve
-
COVID-19: Spitaleve u bëhet thirrje për mobilizim për “valë të madhe”
-
Institucionet përgatiten për valën e re të COVID-19
-
Bordi i SHSKUK-së në mbledhje të jashtëzakonshme pas raportimit të KOHËS për higjienën