Rritet kapaciteti i ujësjellësit të fshatit Isniq

Banorët e fshatit Isniq tashmë do ta zgjidhin problemin e ujit të pijshëm pas një pune intensive të ekspertëve të Komunës dhe të kompanisë “Hidrodrini” për gjetjen e një burimi të ri të ujit, shkruan sot “Koha Ditore”.

Sipas Nazmi Selmanajt, drejtor i kompanisë “Hidrodrini” në Deçan, është bërë një punë jashtëzakonisht e madhe për sigurimin e këtij burimi nga ekspertët e kësaj komune, por edhe falë bashkëpunimit të mirë me institucionin komunal, konkretisht me kryetarin Sami Cacaj, i cili në çdo kohë ka qenë i gatshëm të na mbështeste me kërkesat tona dhe falë një punë intensive është siguruar ky burim uji.

Ai gjendet vetëm 500 m larg burimit ekzistues të ujit të pijshëm për fshatin Isniq, ku sipas ekspertëve burimi ka rreth 25 l ujë në sekondë dhe me lidhjen e këtij burimi në ujësjellësin ekzistues s’do të ketë më probleme për ujë të pijshëm për banorët e fshatit Isniq... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.