Rreth 3500 doza përforcuese të administruara e 1700 të treta

Në rreth 5200 ka shkuar numri i vaksinës së tretë apo përforcuese kundër COVID-19 të administruar në Kosovë. Nga rreth 1 milion e 660 mijë dozat e administruara në total, 1701 prej tyre janë të treta, e 3470 përforucese.

Nga java e dytë e dhjetori në vend ka nisur administrimi i këtyre dozave.

Doza përforcuese u jepet personave të cilët i kanë marrë dy doza të vaksinës kundër COVID-19, por te të cilët me kalimin e kohës imuniteti i tyre vjen duke rënë. Doza përforcuese jepet 6 muaj pas marrjes së dozës së dytë.

Doza e tretë u jepet personave të cilët i kanë marrë dy dozat e vaksinës kundër COVID-19, por te të cilët nuk është zhvilluar imuniteti i duhur, si pasojë e imunitetit të dobët të tyre apo sëmundjeve shoqëruese me rekomandim të mjekut ordinues. Doza e tretë jepet jo më herët se 8 javë dhe pa i bërë 6 muaj nga marrja e dozës së dytë.

Në nivel vendi, janë rreth 778 mijë qytetarë që i kanë marrë të dyja dozat, ndërsa 99 mijë është numri i atyre që deri tash kanë marrë vetëm nga një dozë.