Rreth 350 vetë në 21 kabinete ministrash, veç vitin e kaluar shtetit i kushtuan rreth 6 milionë euro

Gati 6 milionë euro për një vit i kanë kushtuar buxhetit kabinetet e 21 ministrave të Qeverisë Haradinaj.

Më 2018 nëpër kabinetet e ministrave ishin të punësuar 344 persona, shpenzimet e buxhetit për këtë kategori, ishin 5 milionë e 874 mijë e 808 euro.

Neni 25 i rregullores së Zyrës së Kryeministrit, përcakton se kabinetet e ministrave përfshijnë ministrin, zëvendësministrin, këshilltarët politikë të ministrave dhe nëpunësit e punësuar në kabinete, raporton KTV.

Sipas një raporti të bërë nga Grupi për Studime Juridike dhe Politike, ministri i Mbrojtjes, Rrustem Berisha, dhe ai i Mjedisit, Fatmir Matoshi, janë kampionë me numrin më të madh, me 20 të punësuar në kabinetet e tyre.

Kabineti i Rrustem Berishës / 20 të punësuar – 326. 646 euro

Edhe Arbëri 23 kor 2019 Kërkohet dorëheqje morale e zëvendësministrave dhe e koordinatorëve

Kabineti i Fatmir Matoshit / 20 të punësuar – 255. 488 euro

Ndonëse me 12 të punësuar në kabinetin e ministrit të Jashtëm, Behgjet Pacolli, për 2018-n i janë ndarë nga buxheti më shumë se 800 mijë euro.

Kabineti i Behgjet Pacollit / 12 të punësuar - 812.457 euro

Pavarësisht se është duke u hartuar Ligji për Qeverinë, numri i zëvendësministrave dhe i këshilltarëve është rritur gjatë kësaj qeverisjeje.

Kabinetit të ministrit të Inovacionit, Besim Beqaj, për një vit i janë ndarë 365 mijë euro.

Kabineti i Besim Beqajt / 17 të punësuar – 365. 501 euro

Në vitin e kaluar me numrin e njëjtë të të punësuarve dhe me shpenzimet e njëjta, ishte edhe kabineti i ministrit të Diasporës, Dardan Gashi.

Kabineti i Dardan Gashit / 17 të punësuar – 365. 501 euro

Edhe Video 14 mar 2019 Rreth 350 vetë në 21 kabinete ministrash, veç vitin e kaluar shtetit i kushtuan rreth 6 milionë euro

Më 2018, kabineti i ministrit të Brendshëm, Ekrem Mustafa, kishte 19 punonjës, ndërsa ministri i Drejtësisë, Abelard Tahiri- 18, aq sa kishte edhe ministri i Tregtisë, Endrit Shala.

Kabineti i Ekrem Mustafës / 19 të punësuar – 282.761 euro

Kabineti i Abelard Tahirit / 18 të punësuar – 268.052 euro

Ndërkaq, kabinetet e ministrave të Punës, të Financave, të Zhvillimit Ekonomik, Integrimit Evropian, të ministrit Infrastrukturës dhe të Kulturës, kanë secili nga 17 punonjës.

Numër më të vogël të të punësuarve në kabinetet e tyre kanë ministri i Shëndetësisë, Uran Ismajli, dhe ai i Administratës Publike, Mahir Yagcilar me nga 10.

Këto të dhëna i ka konfirmuar edhe koordinatori Nacional për Reforma Shtetërore Besnik Tahiri.

Por, ai ka thënë se me Ligjin për Qeverinë do të ketë kufizime për numrin e ministrive, zëvendësministrave dhe të këshilltarëve.

Edhe Arbëri 28 nën 2018 Kryeministri Haradinaj me kabinetin më të madh qeveritar ndonjëherë

Edhe shumica prej Ministrive kanë konfirmuar se ky numër i të punësuarve vazhdon të jetë i njëjtë edhe gjatë 2019-s.

Qeveria ka edhe dy zëvendëskryeministra pa post ministror, Enver Hoxhajn dhe Fatmir Limajn, të cilët mund të emërojnë nga 11 këshilltarë secili.