Ish-ministri i Integrimit Evropian, Blerim Reka, ka thënë se të martën, senatorët amerikanë i kanë kërkuar presidentit të Serbisë, Aleksandar Vuçiq, përcaktim të qartë për Bashkimin Evropian dhe jo me Rusinë. Ai përmes një postimi në Facebook ka shkruar se të njëjtën gjë ia ka kërkuar më herët Beogradit edhe Brukseli.
Reka ka thënë se Bashkimi Evropian javën e kaluar, dënimin e invazionit rus në Ukrainë e ngriti në kusht të ri për anëtarësim. Ai ka shtuar se tash do të testohet kredibiliteti i Bashkimit Evropian se sa do të zbatojë këtë kondicionalitet edhe ndaj Serbisë.
“Jetësimi i tij strikt, do të kërkoj që BE-ja të ndërpres negociatat anëtarësuese me Serbinë, sepse ajo nuk e përfillë politikën e jashtme dhe të sigurisë së BE-së, nuk i zbaton sanksionet kundër Rusisë dhe vazhdon të armatoset nga Rusia dhe Kina. Këto janë dëshmi të mjaftueshme për BE-në, që t’i heqë Serbisë trajtimin e gjertanishëm përkëdhelës krahasuar me pesë shtetet e tjera të Ballkanit”, ka thënë ai.
Ai ka thënë se lojës shumëvjeçare të Serbisë: “edhe Rusi edhe BE” i doli boja. Sipas tij, qëndrimi në dy karrige më nuk kalon, as në Bruksel e as në Uashington.
-
Reka: Me politikë të tillë me standarde të dyfishta, BE-ja s’mund ta jetësojë vizionin e saj
-
Reka për Serbinë: E përkëdhelura e Brukselit
-
Vuçiqi nga Brukseli: Nesër t’i vendosim sanksione Rusisë dhe ta njohim Kosovën, kështu jemi në BE
-
BE-ja i kërkon Serbisë të mos i forcojë lidhjet me Rusinë
-
BE-ja dhe SHBA-ja presion Serbisë: Marrëdhëniet me Rusinë “nuk janë normale”