Gjykata, Prokurori, e të tjerë të përshirë në lirimin e Hilmi Zenës, që dyshohet se me mosveprimet e tij, vrau bashkëshorten Antigona Morina, nuk kanë pranuar të marrin përgjegjësi për rastin.
Antigona vdiq 6 vjet më parë, tri ditë pasi u martua, për shkak të hemorragjisë së vazhdueshme, e burri i saj Hilmiu nuk i kishte ofruar ndihmë mjekësore së ndjerës.
Për më keq, ai kishte vazhduar marrëdhënie seksuale me të.
Në deklaratën e dhënë atë kohë në Prokurori, ai kishte thënë se sipas traditës, të ndjerën Antigonën e kishte dërguar te Shehu ditën e dytë të martesës.
KTV-ja e ka vizituar tyrben e Sheh Mehdisë në Rahovec, por familjarë të tij kanë thënë se ai është i zënë për të folur për këtë ngjarje. Vëllai i shehut ka mohuar se në tyrbe sillen gratë pas martesës. Ai ka thënë se aty sillen gra që sipas tij, ‘kanë nevojë për ndihmë psikologjike”.
Edhe
Skandali me lëndën e Antigona Morinës, Gjykata në Rahovec e zhduku ankesën për vdekjen e saj
Ndërkaq, në Prokurorinë Themelore të Gjakovës, kanë thënë se ata janë ankuar për rastin në Gjykatë të Apelit dhe këtë e kanë bërë në mars të vitit të kaluar.
Hilmi Zena u akuzua nga kjo Prokurori për veprën penale ‘shkelje e detyrimeve familjare’, por Gjykata në Rahovec e shpalli atë të pafajshëm në vitin 2017.
Megjithatë, kryeprokurori i Gjakovës thotë se deri më tash asnjëherë nuk kanë marrë ndonjë përgjigje nga Gjykata e Apelit lidhur me këtë rast.
Por, në fakt KTV-ja ka gjetur se ankesa nuk është dorëzuar fare në Gjykatë të Apelit.
Sipas ankesës së Prokurorisë, institucioni i fundit në të cilën është dorëzuar, sipas kësaj vule të protokollit, është Gjykata Themelore e Gjakovës dega në Rahovec.
më këtë rast, nga shkresat e lëndës, del se kundër aktgjykimit P 26/2014, ka pasur ankesë vetëm nga ana e palës së dëmtuar. Në dosjen të cilën e posedon Gjykata e Apelit, është vetëm aktgjykimi i gjykatës se shkallës së parë, kopja e ankesës së palës se dëmtuar dhe opinioni ligjor i Prokurorisë se Apelit”, ka thënë Arbër Jashari, nga Gjykata e Apelit, Prishtinë.
Përveç ankesës së Prokurorisë, ankesë ndaj vendimit të Gjykatës së Rahovecit, kishte bërë edhe babai i së ndjerës Antigona.
Edhe
Apeli lë në burg 2 vjet Hilmi Zenën për vdekjen e ish-bashkëshortes
Por, Gjykata e Apelit, nuk e kishte pranuar ankesën e babait, sepse palë e lejuar për ankesë është vetëm Prokuroria.
KohaVisioni ka sjellë rrëfimin e familjes javën e shkuar, e cila ende nuk ka gjetur drejtësi për vajzën e tyre.
