Zëvendësministri i Mbrojtjes, Burim Ramadani, i ka quajtur të pavërteta pohimet për ikje nga Forca e Sigurisë së Kosovës.
Ai në një postim në Facebook shkruan se janë rreth 300 pjesëtarë të FSK-së që kanë marrë pension të parakohshëm, e cila është procedurë standarde nëpër krejt ushtritë e botës demokratike.
“'Fake News' është lajmi për ikje nga FSK-ja. Nuk po braktiset Forca jonë. Janë rreth 300 pjesëtarë të FSK-së që kanë marrë pension të parakohshëm, sipas ligjit dhe në përputhje me standardet dhe rregullat e brendshme. Pensionet e parakohshme kryesisht ndërlidhen me aspektin e moshës. Dalja në pension të parakohshëm është procedurë standarde nëpër krejt ushtritë e botës demokratike. Në Kosovë, kjo është e rregulluar me ligjet në fuqi dhe ruan nderin e dinjitetin e pjesëtarëve të Forcës sonë. Nuk bëhet fjalë për ikje. Nuk bëhet fjalë për konotacione negative”, ka shkruar Ramadani në Facebook.
-
Mehaj: FSK-ja e përgatitur dhe e gatshme ta mbrojë sovranitetin, Serbisë s’i besohet
-
Zv.ministri i Mbrojtjes: As FSK-ja nuk është kursyer nga ikja e të rinjve
-
Ramadani thotë se FSK-ja është multi-etnike, s’përmend bombën te pjesëtari boshnjak
-
Ramadani thotë se Ushtria e Kosovës është e gatshme të bashkëpunojë edhe me atë të Serbisë
-
Ramadani: Kosova do të jetë vendi i 31-të i NATO-s