QKUK-ja jep detaje për vdekjen e 19-vjeçares pas infektimit me COVID-19

Në mesin e të vdekurve nga COVID-19 sot është regjistruar edhe një vajzë e moshës 19-vjeçare. Nga QKUK për KOHËN kanë konfirmuar se e njëjta pas përkeqësimit të gjendjes është transferuar në QKUK.

Nga Zyra pë Informim e QKUK-së është thënë se viktima ishte konfirmuar pozitiv me koronavirus në Mitrovicë.

“QKUK ju konfirmon se rasti në fjalë fillimisht ishte trajtuar në Spitalin e Mitrovicës, pastaj në Klinikën Infektive, ku ishte konfirmuar si Covid pozitiv nga Laboratori i Mikrobiologjisë në Institutin Kombëtar të Shëndetësisë Publike. E njëjta për shkak të përkeqësimit të gjendjes ishte transferuar në Mjekimin Intensiv-Covid, por përkundër përpjekjeve maksimale nga stafi mjekësor nuk kishte arritur të mbijetonte”, thuhet në përgjigjen e tyre për KOHËN..