Zëvendëskryeministri i parë për Integrim Evropian, Zhvillim dhe Dialog i Kosovës, Besnik Bislimi ka njoftuar të hënën, se këtë vit Kosova do të aplikojë për anëtarësim në Bashkimin Evropian, me qëllim marrjen e statusit të vendit kandidat.
Njoftimin, zëvendëskryeministri e ka bërë të ditur në takimin që ka zhvilluar me ambasadorin e Francës në Prishtinë, Olivier Guerot.
Në njoftimin për media të ekzekutivit theksohet se Bislimi në takim ka thënë se ky vit është shumë i rëndësishëm sa i përket agjendës evropiane të Kosovës.
“Kosova gjendet në vitin e 6-të të zbatimit të Marrëveshjes së Stabilizim Asocimit, duke qenë vendi i vetëm në Ballkanin Perëndimor i cili akoma nuk ka aplikuar, andaj tashmë ka ardhur momenti të merret një hap i tillë”, citohet të ketë thënë ai.
Në takim u bisedua dhe mbi marrëdhëniet e fqinjësisë së mirë në rajon dhe dialogun me Serbinë.
-
Dy vjet nga aplikimi i Kosovës, BE-ja thotë se po bëhen diskutime në mesin e shteteve anëtare
-
Bislimi sërish bën thirrje për heqjen e masave të BE-së ndaj Kosovës
-
Bislimi udhëton drejt Suedisë, arsye aplikimi për anëtarësim në BE
-
“Zhvillime pozitive”, Bislimi në Suedi për integrimin e Kosovës
-
Këtë javë, Kosova aplikon për anëtarësim në BE