Dy vendime dhe një nismë kanë marrë miratimin e kabinetit qeveritar në mbledhjen elektronike, të 88-n të Qeverisë Kurti, të mbajtur të premten.
Sipas njoftimit nga Qeveria, është miratuar vendimi për të kërkuar nga presidentja dhënien e autorizimit zëvendëskryeministrit Besnik Bislimi për nënshkrimin e marrëveshjes për bashkëpunim për zhvillim mes Kosovës dhe Luksemburgut.
Po ashtu, u miratua edhe vendimi për të kërkuar nga presidentja dhënien e autorizimit për Bislimin për nënshkrimin e amendamentit 2 të Marrëveshjes Financiare mes Kosovës dhe Bashkimit Evropian për Programin IPA 2015.
Në mbledhje u miratua në parim edhe nisma për plotësim dhe ndryshim të Marrëveshjes Financiare ndërmjet Kosovës dhe Bashkimit Evropian për Programin IPA 2014.
Instrumentin për Ndihmën e Para-anëtarësimit (IPA) është instrument financiar i shfrytëzuar nga BE-ja, që ka synim të ndihmojë vendet që janë në procesin e anëtarësimit në BE. Objektivat kryesore të IPA-s përfshijnë forcimin e institucioneve demokratike, reformimin e administratës dhe ekonomisë, promovimin dhe mbrojtjen e të drejtave dhe lirive të njeriut, përmirësimin e respektimit të të drejtave të minoriteteve dhe zhvillimin e shoqërisë civile.
-
Kosova përfiton mbi 200 mln €, por rrezikon të humbë gati aq deri në fund të vitit
-
Kurti: Janë miratuar 206.4 milionë euro nga fondet e BE-së për Kosovën
-
BE kërkon zbatim më efikas të projekteve të IPA-s në Kosovë
-
Qeveria voton një numër projektligjesh
-
Komisioni për integrime evropiane miraton amendamentet për programet IPA 2017 dhe 2018