Ministria e Punëve të Jashtme dhe e Diasporës e Kosovës ka ftuar qytetarët e Kosovës që të shmangin kalimin nëpër Serbi, pas tensioneve të fundit.
Në një njoftim në Facebook, MPJD-ja ka thënë se gjatë ditës ka pranuar raportime për arrestime të qytetarëve të Kosovës përgjatë kalimit nëpër Serbi dhe se po merret me këto raste.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Marrë parasysh zhvillimet e fundit, dhe duke e njohur qasjen jo korrekte të autoriteteve serbe, me qëllim të shmangies të çfarëdo incidenti, MPJD fton qytetarët që të përdorin rrugë alternative për udhëtim”, thuhet në thirrjen e MPJD-së.
Situata është tensionuar së fundmi në veri të Kosovës, pasi serbët lokalë kanë nisur protestat e dhunshme duke kundërshtuar hyrjen e kryetarëve të rinj në objektet komunale të komunave në veri.