Qeveri megalomane për rehatim militantësh - shkon në 50 numri i zv.ministrave

Qeveria e udhëhequr nga Ramush Haradinaj nuk ka thuajse asnjë ditë që nuk emëron nga një zëvendësministër nëpër ministri të caktuara.

Deri tani, në disa dikastere qeveritare janë emëruar edhe nga 4 zëvendësministra.

Zyra e kryeministrit Ramush Haradinaj, përmes një përgjigjeje me shkrim, nuk ka treguar se sa është numri i zevendësministrave, por ka lënë të kuptohet se emërime do të ketë edhe në ditët në vijim.

Për analistin Imer Mushkolaj, gjithë ky numër i zëvendësministrave është bërë për të rehatuar apetitet politike të koalicionit qeverisës.

Qeveria Haradinaj ka 21 ministri.

Përveç numrit të madh të ministrive, kryeministri Haradinaj ka pranë vetës 16 këshilltarë.

Edhe Arbëri 1 kor 2020 Hoti deri tash ka emëruar 46 zëvendësministra

Ministri i Arsimit, Shyqiri Bytyqi, në ueb-faqen zyrtare të kësaj ministrie, ka publikuar emrat e 7 këshilltarëve politikë, si dhe të dy asistenteve administrative.

Njësoj 7 këshilltarë i ka edhe ministri i infrastrukturës, Pal Lekaj. Të gjithë këshilltarët e kabinetit qeveritar mund t’i kushtojnë buxhetit rreth 2 milionë euro në vit.