Kryetari i Aleancës Kosova e Re, Behgjet Pacolli, nuk e ka përjashtuar mundësinë që në të ardhmen të bashkëpunojë edhe me koalicionin PAN, raporton KTV.
Ai ka mohuar raportimet se të mërkurën është takuar me Kadri Veselin dhe Ramush Haradinajn.
Pacolli ka kërkuar nga LDK-ja dhe Vetëvendosje të gjejnë mundësi bashkëpunimi, përndryshe AKR-ja, sipas tij, do të ofrojë zgjidhje, duke bashkëpunuar edhe me PAN-in.
Pacolli ka kërkuar qeveri gjithëpërfshirëse. Ai ka thënë se duhet të ketë një tryezë diskutimi me liderë të partive, në mënyrë që të gjendet një zgjidhje.
I pari i AKR-së ka kritikuar LDK-në për mosrespektim të marrëveshjes dhe Vetëvendosjen, që, sipas tij, i ka kërkuar që të shkrihet AKR-ja në Vetëvendosje.
Artikuj të ngjashëm