Protestuesit në Shqipëri, pedagogët dhe studentët kanë vepruar njësoj si ditën e djeshme me karriget e vendosura përballë Kryeministrisë. Pasi kryeministri Edi Rama i nxori sërish karriget duke ftuar për dialog këdo që dëshironte, protestuesit kanë hedhur karriget njësoj si dje.
Pedagogia Ilirjana Kuçana ka tentuar t’i ndalojë, duke u bërë thirrje të mos bien pre e kurthit të kryeministrit Rama.
Para se t’i hidhnin, disa protestues vunë mbi karrige disa sende personale bashkë me një shishe birrë, duke u shprehur se janë për Ramën.
Për të dytën ditë me radhë, kryeministri Rama vendosi karriget me kërkesën që të dialogojë me protestuesit. Ai deklaroi se asnjë arsye nuk e justifikon dhunën.
Nderkohë protestuesit vijojnë qëndrimin para Kryeministrisë, teksa kanë bërë me dije se bojkoti dhe protesta do të vazhdojë deri në dorëheqjen e Ramës.
Dita e nëntë e protestave të studentëve në Shqipëri
-
Studentët rrëzojnë “karriget e dialogut” që i vendosi Rama
-
Rama vendos sërish karriget për dialog para Kryeministrisë
-
Studentët marrin mbështetje edhe nga profesorët në protestat për rrëzimin e Ramës
-
Rama reagon sërish: Dialog, po me kë?
-
“Simbolikë për dialog”, Rama vendos karriget para Kryeministrisë