Tensionet janë përshkallëzuar në protestën studentore në Tiranë, ku policia ka përdorur gaz lotsjellës për t’i larguar protestuesit nga hapësirat pranë Ministrisë së Arsimit. Protestuesit ndërkohë kanë gjuajtur me gurë në drejtim të policisë dhe objektit të Ministrisë së Arsimit. Policia ka arrestuar disa persona.
Ndërkohë, në zonë është bërë gati edhe autoboti me ujë, ndërsa situata vazhdon të jetë e tensionuar.
Përplasjet po ndodhin në ditën e tretë të protestave studentore në Shqipëri, të cilat janë shoqëruar me incidente edhe në qytete të tjera të vendit.
