Aidan Hehir, profesor i Marrëdhënieve Ndërkombëtare në Westminster, ka deklaruar se automjetet me të cilat grupet serbe u stërvitën para sulmit në veri të Kosovës duket se ishin amerikane, duke shtuar se presidenti i Serbisë, Aleksandar Vuçiq, do të ketë shumë për të shpjeguar.
Ai ka shkruar në rrjetin social X se automjetet që shihen në pamjet e ministrit të Punëve të Brendshme, Xhelal Sveçla, janë të tipit “Humvee”, derisa ka thënë se Departamenti i Sigurisë s’do të jetë i lumtur që Serbia “i ka shfrytëzuar për t’i stërvitur terroristët me makinat që iu dhanë donacion nga SHBA-ja”.
“Automjetet duken sikur ‘Humvee’ amerikanë. Sigurisht, Departamenti i Mbrojtjes nuk do të jetë i lumtur që Serbia i ka përdorur për t’i trajnuar terroristët makinat që iu dhanë donacion nga SHBA? Vuçiqi ka shumë për të shpjeguar”, thuhet në reagimin e tij.
Ministri Sveçla ka publikuar të dielën në një konferencë për media pamje të trupave serbe që stërviteshin para kryerjes së sulmit në fshatin Banjskë.
-
DASH-i po trajton pretendimin se sulmuesit serbë në veri u stërvitën me automjete amerikane
-
Sveçla: Vuçiqi drejtpërdrejt i përfshirë në përgatitjen e grupit terrorist të Banjskës
-
Vuçiq për armatimin e FSK-së: SHBA-ja po e bën tejet të fuqishme
-
Kosova akuzon Serbinë se ka shkelur marrëveshjen me SHBA-në për mjetet ushtarake
-
SHBA-ja ia dorëzon Serbisë 66 automjete të blinduara Humvee