Kuvendi i Kosovës sot (e enjte) pritet të mbajë 4 seanca plenare. Në seancën e parë e cila pritet të nis në orën 09:30, deputetëve do tu adresohet presidentja Vjosa Osmani.
Në një seancë tjetër plenare, e cila pritet të nis në orën 10:00, Kuvendi do të shqyrtojë në lexim të dytë Projektligjin mbi ndarjet buxhetore për Buxhetin e Republikës së Kosovës për vitin 2023.
Në orën 12:00 deputetët do të mbajnë vazhdimin e seancës plenare, të ndërprerë ditë më parë, ndërsa në orën 13:00, në një seancë të jashtëzakonshme deputetët pritet të shqyrtojnë në lexim të dytë Projektligjin për vlerësimin e ndikimit në mjedis.
