“Zgjidhje përmes zgjedhjeve” është kërkesa e vetme e Vetëvendosjes për konsensus në tryezën e partive politike të së premtes.
Si nikoqir i kësaj tryeze, Vetëvendosje kërkon që të arrihet pajtueshmëri për zgjedhje të parakohshme.
Sipas tyre, zgjedhjet do të mundësonin krijimin e një qeverisjeje të shumicës për t’i çuar përpara proceset, raporton KTV.
LDK-ja mbështet idenë e zgjedhjeve të parakohshme.
Partneri i kryeministrit Haradinaj në koalicion, PDK-ja, ende nuk ka qëndrim nëse do të shkojë në takimin e së premtes.
Vetëvendosje kishte bojkotuar organizimin e njëjtë të bërë nga PDK-ja.
Por, ky subjekt është kundër zgjedhjeve të reja.
Edhe
AAK s’ka datë kur ta thërrasë tryezën por thonë se zgjedhjet s’do të jenë temë
Për dallim nga PDK-ja, dy partitë e tjera në koalicion, AAK-ja dhe Nisma, do të jenë të pranishme, por që nuk do ta mbështesin kërkesën për zgjedhje.
Partia Social Demokrate e Shpend Ahmetit, e ka konfirmuar pjesëmarrjen, derisa Lista Serbe nuk është ftuar në këtë tryezë.
