Policia largon veturat nga vend parkingjet e ndaluara në Lipjan

Policia në Lipjan gjatë së enjtes ka zhvilluar një aksion për largimin e veturave nëpër vend parkingje të ndaluara me shenja të komunikacioni në lagjen "Skënderbeu".

Ky aksion ka nisur pas kërkesave të vazhdueshme të banorëve të kësaj lagjeje derisa vozitësit e pandërgjegjshëm po i bllokojnë hyrjet e banesave, njofton gazetari i Kohës Ditore nga regjioni i Ferizajt.

Në këtë aksion Policia dhjetëra veturave ua ka hequr edhe targat e regjistrimit.

Qazim Tahiri banor i lagjes "Skënderbeu" në Lipjan ka thënë se disa herë ka kërkuar nga Policia largimin e automjeteve të parkuara në vende të ndaluara me shenja të komunikacionit.

“Si shenjë pakënaqësie banorët kemi dal në rrugë dhe kemi kërkuar nga Policia t’i largojë veturat e parkuara aty ku është e ndaluar me shenjë të komunikacionit. Aktiviteti i policisë është i qëlluar dhe kërkojmë që mos t’i lejojnë veturat të parkohen përgjatë kësaj rruge derisa po e pengojnë komunikacionin dhe po i bllokojnë hyrjet e banesave”, ka thënë Tahiri.

{gallery}