Si rezultat i Marrëveshjes në mes të MPB-së (Ministrisë së Punëve të Brendshme) dhe FRONTEX-it (Agjencia Evropiane për Menaxhimin e Kufijve të Jashtëm të Shteteve të Bashkimit Evropian), si dhe vlerësimit të lartë të FRONTEX-it për Policinë e Kosovës, Policia e Kosovës është ftuar dhe vazhdon të marrë pjesë si vëzhguese në aktivitetet operacionale të organizuara në fushën menaxhimit kufitar.
Shpend Maxhuni, drejtori i Përgjithshëm i Policisë, paraprakisht ka pritur në një takim zyrtarin policor i cili edhe është zyrtari i parë nga Policia e Kosovës që merr pjesë në aktivitetet operacionale të organizuara nga FRONTEX-i.
FRONTEX-i konsideron se pjesëmarrja e Policisë së Kosovës (ekspertëve të kontrollit kufitar), në cilësinë e vëzhguesit, do të ndihmojë zbatimin e Planit Operacional, në fushën e Menaxhimit të Integruar të Kufirit, si dhe në efikasitetin e kontrollit kufitar në kufijtë e jashtëm të shteteve të BE-së.
“Policia e Kosovës (me uniformë të Policisë së Kosovës dhe pajisje adekuate), merr pjesë në kontrollin kufitar, në kufijtë tokësorë dhe në aeroporte të shteteve anëtare të BE-së nga data 28 mars 2017”, thuhet në njoftimin e Policisë së Kosovës.
Policia e Kosovës mbetet e angazhuar në anëtarësimin dhe thellimin e bashkëpunimit me organizatat e ndryshme simotra në Evropë dhe më gjerë.
-
Policia e Kosovës dhe KFOR-i diskutojnë për aktivitete të përbashkëta, përfshirë veriun
-
BE-ja dhe Bosnja me marrëveshje për kontrollin e kufijve
-
Në zonën kufitare patrulla të zakonshme të KFOR-it me autoritetet serbe
-
BE-ja për kidnapimin e policëve: Jemi në kontakt me të dyja palët për të kuptuar se çka ka ndodhur
-
Policia e Kosovës dërgon zyrtar ndërlidhës në Europol